Ufalme Wa Mazombi (Sehemu ya Pili-02)

Ilipoishia 

“Ka-kaka! Kwasasa ardhi yetu haina makazi. Namaanisha kwamba tangu mwaka mmoja uliopita, virusi visivyo fahamika vimetawala, na sasa watu wengi sana wamekuwa mazombi. Wakikung’ata, lazima uwe zombi. Nampaka sasa, nimebakiza sekunde chache sana niwe zombi,” alisema huku mimi nikiwa sielewi kile anachozungumza. Kuanzia virusi, sijui mwaka mmoja, mpaka yeye kuwa zombi muda si mlefu, nilizidi kuchanganyikiwa huku nikiwa sina majibu kabisa ya kile nilikuwa nikifikiria.

“Kimbia!” alisema Sebastian huku akinitazama kwa umakini, na sauti aliyoitumia ilikuwa imejaa mamlaka. Endelea 

SEHEMU YA PILI

“Nimekwambia kimbia maana umebakiza sekunde chache sana kuishi kama binadamu. Utaishia kuwa mfu anayetembea. Kimbia haraka, uokoe nafsi yako,” alizidi kusema, akizidi kunifanya niwe kwenye mshangao mkubwa.

Pale pale akasimama na kuanza kunifuata. Mngurumo wake ulinifanya nistuke sana na kutambua kwamba hakuwa binadamu wa kawaida. Hatua zake zilikuwa za ajabu, zikanipelekea kutokuelewa. Taratibu, nikaanza kurudi nyuma kumkimbia mdogo wangu, ambaye kwa sasa alionekana kuwa si yeye tena.

Pale pale, nikaanza kusikia mingurumo mingi ikitokea nyuma yangu. Nilipogeuka, niliona watu zaidi ya mia mbili wakigombania mlango ili waweze kuingia ndani. Muonekano wao haukufanania na Sebastian mdogo wangu, na damu zilikuwa zikiwatoka midomoni. Sura zao zilikuwa zikitia hofu kwa majeraha makubwa sana.

“Mazombi?” Nilijikuta nikisema neno hilo baada ya kukumbuka maneno ya mdogo wangu.

Pale, nikahisi mtu kuupapasa mgongo wangu. Haraka nikageuka, mapigo ya moyo wangu yakaongeza kasi baada ya kuona mavempaya zaidi ya thelathini wakitokea juu ya ngorofa, wakinifuata pale nilipokuwa. Mdogo wangu alikuwa ameanguka chini kwa sababu nilikuwa nimemsukuma baada ya kugeuka, maana yeye ndiye alikuwa akinigusisha mgongo wangu.

“Hapa siwezi kupona, inatakiwa nitafute namna ya kukimbia,” nilisema huku nikigeuka ili niendelee kukimbia.

Ilikuwa uso kwa uso na kundi kubwa la mazombi lililokuwa tayari sebuleni, na wengine wakizidi kuingia ndani ya sebule hiyo nilikokuwa. Nilipotazama kwa makini, nikatambua nilikuwa katikati yao, na wao walikuwa wakinifuata mimi, na kumaanisha kwamba mimi ndimi nilikuwa lengo lao.

Uso wangu uliangaza huku na kule kutafuta upenyo ili nikimbie, lakini nilitambua wazi kuwa sikuwa na njia ya kukimbia, kwani nilikuwa nimezungukwa pande zote.

Ilikuwa uso kwa uso na kundi kubwa la mazombi lililokuwa tayari sebureni, na wengine walizidi kuingia ndani ya sebure hiyo nilimokuwamo. Nilipotazama kwa makini, nikatambua nilikuwa katikati yao, na mazombi wote walikuwa wakinifuata mimi, kumaanisha kwamba mimi ndiye nilikuwa shabaha yao. Uso wangu uliangaza huku na kule kutafuta upenyo wa kukimbia, ila nilitambua wazi kwamba sikuwa na njia ya kutoroka zaidi maana nilikuwa nimezungukwa pande zote.

“Mungu wangu, nifanyeje mimi jamani?” niliwaza nikiendelea kujikunja pale chini huku nikiwa nimewatazama kwa umakini wale mazombi waliokuwa wakinikaribia. “Kwa hiyo nami nakuwa zombi leo jamani?” niliwaza huku nikiwa siamini kwa kile kilichokuwa mbele yangu. “Ee Mungu, naomba iwe ndoto,” nilisema hayo huku nikijaribu kufinya mwili wangu ili kuhakiki kama hii ilikuwa ni ndoto au la. “Ai! Shiiiiiii,” niliguna kwa maumivu baada ya kuhisi maumivu makali eneo nililochomeka kucha zangu kwa lengo la kujifinya.

Baada ya kufahamu kuwa sikuwa kwenye ndoto, hapo nikatambua kuwa nahitajika kupigania uhai wangu kutoka kwenye hali hii niliyokuwa nikijikuta nikiogelea bila kujua chanzo wala mwisho wake.

Wakati nikiwa pale nawaza namna ya kujiokoa, nilisogeza macho yangu na kutazama kando yangu. Chini ya miguu ya zombi mmoja, nikaona mti mkubwa uliokuwa umelala chini. Mti huo ulikuwa umechongwa mithili ya rungu la mti. “Naipate hiyo,” niliwaza huku nikiwatazama mazombi ambao mpaka muda huo walikuwa wakinikaribia eneo nililokuwapo ili wanitafune.

Sikuhitaji kuwaza sana. Haraka nilijizungusha na kurukia ule mti. Baada ya kuukamata, nikaanza kukabiliana na viumbe hao, ambao kwa idadi yao walikuwa zaidi ya mazombi mia mbili. Kwa kutumia mafunzo niliyokuwa nimeyapata kule jeshini kabla ya kukimbia, nikaanza kupigana nao kwa lengo la kuokoa nafsi yangu.

Nilikuwa nikiwapiga mazombi hao marungu ya kichwa moja baada ya mwingine, na kila nilipopiga rungu, vichwa vyao vilipasuka na damu pamoja na vipande vya ubongo vilitapakaa kila mahali. Mazombi walikuwa wakiendelea kunikaribia, lakini nilihakikisha napambana kwa ujasiri na kutumia kila nguvu niliyokuwa nayo. Sauti za mapigo yangu na vilio vya mazombi zilisikika kila kona ya sebure hiyo.

Dakika zilipita huku nikiendelea kupigana kwa hasira na hofu, nikihakikisha kila pigo langu linafanikiwa kuwaua. Hali ilikuwa ya kutisha, lakini nilijipa moyo kwamba lazima nitoke hai katika hali hii.

Baada ya muda wa takribani dakika ishirini za mapambano makali, hatimaye nilifanikiwa kufungua njia kupitia kundi la mazombi. Nikiwa nimechoka na mwili wangu ukiwa umechafuka na damu, nilikimbilia mlangoni na kufanikiwa kutoka nje ya sebure ile. Nilipotoka nje, nilijificha haraka nyuma ya ukuta wa karibu, nikihakikisha kwamba nimewakwepa mazombi hao waliokuwa bado ndani.

Nilipumua kwa nguvu, nikijaribu kutuliza mapigo yangu ya moyo yaliyokuwa yakienda kasi. Nikiwa pale nje, nilitambua kuwa hii ilikuwa ni vita ya kuendelea, na bado nilihitaji mipango ya kuokoa maisha yangu kutoka kwenye jinamizi hili.

Taratibu nikapiga hatua kuelekea upande wa kushoto baada ya kuona kundi kubwa sana la mazombi likitokea upande wa kulia kwangu. Hatua ndefu ndefu nikawa nikizipiga kwa ajili ya kujiokoa kutoka kwenye maeneo hayo yenye viumbe aina ya mazombi.

“Kwani, nini kimetokea?” niliwaza maana sikuwa najua chochote kile kati ya yale yaliyotokea kwenye maisha yangu. “Kwani kipi kilitokea baada ya mimi kupata ajali kipindi kile?” niliwaza huku nikizidi kupiga hatua za haraka baada ya kufahamu kwamba wale mazombi walikuwa wakinifuatana. Mara hii walikuwa wengi sana.

“Kitandani nimelala kwa muda gani jamani?” niliwaza huku nikiwa sina majibu kabisa. “Dogo Seba alisema mwaka mmoja uliopita ndipo hawa virusi walipoanza kuvamia watu kwa kasi,” niliwaza huku nikianza kuikabili barabara iliyokuwa ikielekea mjini Ngara.

“Ina maana nimelala zaidi ya mwaka?” niliwaza huku nikiendelea kupiga hatua za haraka kukimbia.

Pale pale, kwa ghafla sana, nikajikuta nikiwa karibu na kundi kubwa sana la mazombi. Nilipotazama kwa makini, nikatambua kwamba nilikuwa nikikaribia viumbe hao. Mapigo ya moyo wangu yakaanza kwenda mbio sana huku nikiwaza, nawezaje kutoka kwenye kundi hilo kubwa la mazombi?

Mawazo ya kurudi nyuma haraka yakanijia. Sikuchelewa, hatua nikaanza kuzipiga kuelekea nilikotoka. Ila hatua kumi pekee zilitosha kunifanya nisimame baada ya kuona kundi kubwa sana la mazombi likinikabili kwa muda huo.

“Mungu wangu, balaa gani hili?” niliwaza mwenyewe huku bado nikiwa sielewi kwa lile ambalo lilikuwa likiendelea kwa muda ule.

Kwa ghafla, milio ya risasi ikaanza kusikika, “pap! pap! pap!”, na zombi mmoja baada ya mwingine alianza kudondoka chini na kufa papo hapo. Nilipogeuza macho yangu kushoto, nikaona mwanga wa risasi ukimulika gizani. Nilihisi mshangao na tumaini kwa wakati mmoja. Mazombi waliokuwa wakinifuatilia kwa kasi wakaanza kupukutika mmoja baada ya mwingine.

Baada ya takriban dakika tatu za milio ya risasi kuendelea, alitokea mwanadada mmoja, mwembamba mwenye mwonekano wa kijeshi, akiwa ameshika bastola mikononi. Alikuwa amevaa mavazi mepesi ya kijeshi, na uso wake ulionyesha umakini wa hali ya juu.

“Hebu pumzika, nitakutoa hapa,” alisema kwa sauti yenye mamlaka huku akiendelea kuwamimina risasi mazombi waliokuwa wamesalia. Aliyashambulia kwa ustadi wa hali ya juu, kila risasi ikikamata kichwa cha zombi kwa usahihi wa ajabu. Mazombi waliokuwa wamesalia walionekana kushindwa kumkaribia kutokana na kasi yake ya kushambulia.

Nilipokuwa bado nikiwa nimejikunja chini kwa hofu, mwanadada yule alinikaribia huku akihakikisha eneo lilikuwa salama. Alinisihi nisimame haraka. “Twende, huwezi kubaki hapa,” alisema huku akinitazama kwa macho makali yaliyojaa ujasiri.

Nikiwa bado sijapata nguvu za kutosha, alinishika mkono na kunivuta haraka. Tukaondoka kwenye eneo hilo, tukiwaacha mazombi wakiwa wameanguka chini, vichwa vyao vikiwa vimetapakaa damu kila kona. Safari ya kutoka kwenye balaa hilo ikaanza, nami nikajua wazi kuwa mwanadada huyu angekuwa msaada mkubwa kwangu katika vita hii ya kuokoa uhai wangu..     

Tulianza safari kwa kupitia barabara iliyoelekea mjini Ngara. Mwanadada yule alikuwa mbele yangu akihakikisha njia ilikuwa salama. Nilimtazama kwa muda dada yule huku nikiwa na shauku ya kutamani kumjua zaidi  nikavuta pumzi na kusema, “Nashukuru sana kwa msaada wako. Naweza kujua unaitwa nani?”

Akanitazama kwa muda mfupi, kisha akajibu, “Naitwa Isabella Combo. Vipi upande wako  wewe?”

“Mimi ni Bernard Pour,” nilimjibu huku nikiwa na shukrani za dhati. “Ni jambo la ajabu jinsi ulivyotokea kwa wakati muafaka. Bila wewe, sijui kama ningetoka hai.”

Isabella akatabasamu kidogo. “Hii dunia sasa si ya huruma tena. Kila mmoja anahitaji msaada wa mwenzake ili kuendelea kuishi.”

Tulipokuwa tukitembea, aliendelea kunieleza kuhusu hali ya sasa. “Virusi hivi vilianza mwaka mmoja uliopita. Vilienea kwa kasi, vikibadilisha maisha ya kila mtu. Nilipoteza familia yangu yote.”

Nilihisi maumivu ya maneno yake, lakini nilijua kuwa hatukuwa na muda wa kuhuzunika. “Samahani kwa kupoteza kwako,” nilisema kwa sauti ya pole.

Aliitikia kwa kichwa kisha akasema, “Huko mbele kama kilomita mbili kuna gari langu. Tukiweza kulifikia, tutakuwa na nafasi nzuri ya kutoka hapa salama.”

Tukaendelea kutembea huku tukiwa makini. Njiani tulikuta magari mengi yakiwa yametelekezwa, yakiwa yamejaa vumbi na yanaonyesha kwamba hayajatumika kwa muda mrefu. Ndani ya magari hayo kulikuwa na mizigo iliyoachwa, na baadhi ya milango ilikuwa wazi. Hali hiyo ilionyesha jinsi watu walivyokimbia kwa haraka wakati hali ilipoanza kuwa mbaya.

Ghafla, tukasikia milio ya sauti za mazombi ikitokea nyuma yetu….

Nini Kitaendelea? Usikose Sehemu Ya Tatu

SOMA RIWAYA YA FUNGATE KWA KUBONYEZA HAPA 

SOMA RIWAYA YA NILIPANGA NYUMBA MOJA NA MAJINI 

SOMA RIWAYA YA GORYANAH HAPA 

SOMA KISASI CHANGU HAPA  

SOMA RIWAYA YA MSALA HAPA

JIUNGE NIPO KIJIWENI Kwa Kubonyeza Hapa 

Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx Ufalme wa mazombi xx