Carlos Tevez amekashifu jinsi Alex Ferguson alivyomtendea akiwa Manchester United, akisema meneja huyo nguli ndio sababu iliyomfanya kuhamia Manchester City kwa utata.
Tevez aliguswa sana na United wakati wa kipindi cha mkopo kutoka West Ham kuanzia 2007-09, akifunga mabao 34 katika mashindano yote, akishinda mataji mawili ya Ligi Kuu na Ligi ya Mabingwa.
Hata hivyo badala ya kusaini mkataba wa mkopo, Tevez alihamia kwa mahasimu wao Manchester City ambako angetumia misimu minne ijayo.
Muargentina huyo anasema alitaka kusalia Old Trafford, lakini ahadi za uongo kutoka kwa Ferguson zilimaanisha kuwa hakuwa na chaguo la kutafuta mahali pengine na wakati City ilipompa umaarufu ambao United hawangeweza basi alichukua nafasi hiyo.
‘Sikuhitaji kufikiria sana juu yake kwa sababu nilikuwa na hasira na Ferguson,’ Tevez aliiambia ESPN, kupitia TyC Sports.
‘Kama kocha yeye ni jambo la kushangaza, alikuwa katika klabu kama United kwa muda mrefu. Lakini nilikuwa sina bahati naye.
‘(Aliniambia) tutakununua, lakini nitamletea [Dimitar] Berbatov. Usijali, nitamleta ili kushindana na wewe. Lakini tutazungumza na wakala wako ili kukubaliana kuhusu mkataba na uhamisho.
‘(Lakini) hawakumpigia simu wakala wangu, hakuna chochote. Muda ulikuwa unaenda. Walianza kutaka kunipunguzia bei. Nilikuwa nikitumbuiza kila nilipokuja na watu walianza kupigia kelele jina langu. Ilikuwa mchakato wa mwaka mzima.’
Kwa mujibu wa Tevez, mambo yalizidi kuharibika baada ya fainali ya Ligi ya Mabingwa mwaka 2009, ambapo tayari alikuwa amekubali kuhamia Manchester City.
“Nilikubaliana na Sheikh kwamba baada ya mchezo, ningepanda ndege binafsi niende na familia yangu Abu Dhabi kukutana naye na kumaliza mkataba na City kabla ya fainali na United,” aliongeza. .
“Ilikuwa kama panga kwake (Ferguson). Na kwangu pia kwa sababu niliipenda United. Lakini kwangu hakuonesha nia mwaka mzima, alinifanya niteseke. Iliniuma sana kwa sababu niliipenda United.
“Nilipenda kucheza Old Trafford, kwangu ilikuwa kama Bombonera, ilinipa hisia hiyo.
“Kisha Sheikh akaja, wakaniambia wanataka niwe mshika kibendera wa City, akaniletea mradi wa klabu leo na ndivyo hivyo.”