In the name of LOVE – 02

Ilipoishia sehemu ya kwanza ya In the name of LOVE

“Ndiyo, nilikua napita tu.” 

“Kuna harusi” 

“Harusi?” 

“Ndiyo, vipi umeshtuka Mzee?” 

“Nani anaolewa?” 

“Mtoto wa Mwenye nyumba anaolewa, anaitwa Zaylisa” alisema Kisha  aliondoka zake, hakujua alikua ameupasua moyo Wangu kiasi gani, hakujua  alikua ameuunguza moyo Wangu kwa kiasi gani. Chozi la pole pole lilianza  kunitoka, nilihisi kuishiwa nguvu. Endelea

SEHEMU YA PILI

Nilitegemea kusikia vyote lakini siyo kuolewa kwa Zaylisa, sikutarajia. Kwa  jinsi Zaylisa alivyokua ananipenda ilikua ngumu kuyaamini Yale maneno,  nilihisi ilikua ni njozi ya kutisha niamke. Nilitetemeka mwili mzima, Kila  kiungo kiliuliza maswali yasiyo na Majibu. 

Magari ya Kifahari yalikua nje ya Geti, chozi lilinibubujika kama Mtoto.  Sikutaka kuukubali ule ukweli, sikutaka kuyaamini Yale maneno ya yule  jamaa. Niliona ni Bora niingie ndani kushuhudia nilichokisikia. Nilitembea  taratibu kama Mgonjwa wa Miguu.  

Nilisali ili nisione nilichokisikia, nilipofika getini nilianza kusikia muziki wa  sauti ya chini, niliingia taratibu Hadi ndani ya Uzio mahali ambapo niliona  tukio likifanyika. Ndiyo! Alikua akivishwa Pete mbele ya macho yangu,  ndelemo na vificho vilisikika 

Kila mmoja alifurahia tukio Hilo isipokua Mimi, nilitoka ndani haraka  sikutaka kuendelea kujiumiza. Zaylisa alikua akiolewa, niliondoka  nikikimbia kurudi nyumbani kwa Sudi huku nikilia kama Mtoto njia nzima.  Mapenzi yanaumiza, mapenzi yanatesa sana, ni Bora kuyasikia kwa Mtu  lakini usiombe yakukute 

Sikua na kazi, nilimpoteza Mama yangu, lakini mbaya zaidi ni yule  niliyemtegemea Angekua kimbilio kwangu alikua akiolewa. Nilihisi  kuchanganikiwa, nilihisi nimeingiwa na wazimu 

Nilikimbia hovyo kukatisha barabara, ghafla niligongwa na gari. Sikuona  chochote wala kusikia chochote tena, sikuelewa kilichoendelea baada ya  pale. 

** 

Niliipata fahamu zangu baada ya ile ajali kutokea. Nilipotuliza akili vizuri  nilitazama ukutani, niliona picha ya Mzee Mmoja mwenye asili ya kihindi.  Nilikua na maumivu makali sana ya kichwa, hapakua na yeyote mle  chumbani. 

Niliyoyaona yalinifanya nigundue kua nilikua wodini, palikua na mashine  ya kupima mapigo ya Moyo. Vifaa kadhaa vya matibabu, nilijiuliza nilikua  wapi na kwanini? Lakini kitu kingine nilichojiuliza na kilicho nisumbua zaidi ni kutaka kujua Nimefikaje pale 

Pale pale aliingia nesi mmoja. Alikua na asili ya Kihindi, alisogea pole pole  huku akitabasamu Kisha aliniuliza ninajisikiaje, sikumjibu chochote  kwasababu Bado nilikua na maswali chungu nzima. 

Mara akaingia Mwanamke mmoja mweupe, mrefu kiasi. Alikua amevalia  gauni Jekundu, alikua akinitazama kwa furaha na tabamu Kisha aliniita 

“Jacob” nilipomtazama sikumfahamu kabisa, lakini yeye alionekana  ananifahamu Mimi. 

“Wewe ni Nani?” nilimuuliza, swali langu lilimpa simanzi, alipoteza Nuru  machoni pake Kisha aliniangalia kwa Mshangao mkubwa halafu  akamtazama yule Nesi. 

“Subiri nimwite Daktari” akasema yule Nesi, haraka akaondoka pale. 

“Jacob umenisahau tena? Mimi ni Clara” alisema, Bado alikua  akinishangaa kwa kutomfahamu. Kiukweli sikukumbuka kama niliwahi  kumwona popote pale. Niliendelea kumtazama

“Umesahau Mimi nilikua na wewe ule Usiku ulipopoteza Mama Yako? Haukumbuki siku ile nilikesha kwa ajili Yako na Mdogo wako Melisa?”  

Alisema, niliona namna alivyokua akipitia wakati mgumu kunieleza mambo  ambayo nilikua siyakumbuki. 

“Mama na Mdogo wangu?” 

“Ndiyo, umenikumbuka?” 

“Sikumbuki chochote, Nimefikaje hapa?”  

“Jacob, ulipata ajali…” kabla hajasema zaidi, aliingia Daktari pale wodini  Kisha akamwambia Clara. 

“Taratibu, alipata ajali mbaya na huwenda kwasasa hakumbuki chochote,  Jacob….unajisikiaje?”  

“Maumivu ya Kichwa, lakini huyu Mwanamke anasema nini kuhusu Mimi,  mbona sielewi?” niliuliza, Daktari akatabasamu Kisha akaniambia 

“Ulipata ajali mbaya Jacob, umekaa bila fahamu kwa Miezi mitatu, upo  India kwa matibabu. Leo Ndiyo unazinduka, usijali utakumbuka taratibu”  alisema , Kila nilichokisikia kilikua kigeni masikioni mwangu. Nilikua  sikumbuki chochote kile zaidi ya kushangaa nilivyokua ninaambiwa,  nilipoteza kumbukumbu zangu zote za Maisha yangu. 

Nilijiuliza kuhusu Mama na Melisa lakini sikuwakumbuka. Sikukumbuka  chochote kuhusu Maisha yangu yaliyopita. Nilijisikia huzuni kubwa, kitu  pekee nilichokumbuka kilikua ni jina langu. 

Basi, niliendelea na matibabu taratibu siku Hadi siku. Nilianza kuimarika  kadili siku zilivyo songa, Mtu pekee aliyeonesha kunifahamu alikua ni  Clara, akaniambia siku tukirudi Tanzania atanipeleka kwa Watu  wanaonifahamu hasa Mdogo wangu Melisa. Nilifurahi pia nilijilazimisha  kukumbuka lakini iliniwia ugumu sana kukumbuka kuhusu Maisha yangu  ya nyuma. 

Baada ya ajali nilihamishwa kutoka Hospitali ya Muhimbili na kuelekea  India kwa ajili ya Matibabu.  

“Jacob, wewe ni Mtu mzuri sana lakini ulipitia kipindi kigumu sana.  Najutia kukugonga na gari siku ile, pengine Leo hii ungekua pamoja na  Mdogo wako” alisema Clara tukiwa kwenye viunga vya Hospitali  akinifanyisha mazoezi.

“Usijali, natamani nikukumbuke Clara. Pengine una kumbukumbu nzuri  kwangu” nilisema, Clara akatabasamu tu Kisha akaniambia 

“Hakuna kumbukumbu nyingi kuhusu Mimi na wewe, Mimi nilikua mteja  kwenye Mgahawa uliokua ukifanyia kazi. Zaidi ya hapo hakuna nyingine  Jacob, tumekutana mara chache sana”  

“Natamani kukumbuka nilijisikiaje baada ya kumpoteza Mama yangu,  ilikuwaje kuhusu Mdogo wangu Melisa”  

“Tartibu Jacob, tukifika Tanzania utaelewa vingi” 

“Hakuna Mtu niliyempenda?” nilimuuliza, alinitazama kwa sekunde  kadhaa Kisha aliachia tabasamu la kupangusa akanijibu taratibu kwa sauti  ya Upole akasema 

“Nasikia ulimpenda Mwanamke mmoja anaitwa Zaylisa. Sijui kuhusu wewe  na yeye lakini inaonesha ni Mwanamke anayekupa furaha sana” alisema  Kisha alitabasamu, nilicheka kidogo 

“Kwnini hakufika huku kama alikua ananipenda sana?” 

“Sidhani kama alikua anajua kua umepata matatizo. Samahani Jacob,  sikuweza hata kumtafuta Mdogo wako kumweleza kutokana na namna  nilivyokua nimechanganikiwa. Huko aliko atakua na huzuni sana” 

“Natamani kumwona pengine nitajikumbuka Clara. Namwomba Mungu  nizirejee kumbukumbu zangu, natamani kumwona Zaylisa nijue  anafananaje Hadi tukapendana hivyo” nilisema tukawa tunacheka na  kupiga stori za hapa na pale, akanifanya nijihisi amani sana Moyoni  mwangu lakini kumbukumbu zilizopotea zilinitesa sana. 

Kila nilivyofikiria kuhusu Maisha nilijiona nimepoteza vitu vingi muhimu  lakini sikujua ni vitu gani, Maisha yalinifundisha kuishi bila kua na  chochote. Niliendelea na matibabu kwa muda wa wiki mbili zaidi Hadi pale  Madaktari walipoona naruhusiwa kurejea Tanzania. 

Clara ndiye Mtu pekee niliyekua namwona. Basi, tulirudi Tanzania Kwa  kutumia shirika la ndege la Air Tanzania, Clara alinipeleka kwanza  nyumbani kwake. Alikua ana uwezo kifedha, alinitendea vizuri sana, alikua  mkarimu na mwenye kunijali sana. Mara kadhaa aliniuliza kuhusu hisia ya  Upendo, kusema ukweli sikuwahi kua na hisia ya Upendo na sijui kama  niliwahi kua nayo huko nyuma.

“Clara, naomba unipeleke nikamwone Melisa. Nataka kukumbuka kuhusu  yeye” nilimwambia Clara, tulikua mezani tukipata chakula Cha Usiku.  Alitabasamu kidogo Kisha akaniambia 

“Siwezi kupasahau, nitahakikisha unamwona Jacob. Natamani upate  kumbukumbu zako tena” alisema, mara zote alikua chanya kwangu,  hakuwahi kunikatisha tamaa.  

“Anafanana na Mimi, au yeye ni mkarimu kama wewe. Nataka kujua nilikua  nampenda sana Melisa?” Maswali yangu yalimfanya atabasamu kidogo,  akapiga funda Moja la juisi kabla ya kunijibu.  

“Unampenda sana, hamjafanana sana lakini kitu pekee kwake ni kua  anakupenda sana nawe unampenda sana. Siku ile alipopoteza fahamu  baada ya Kifo Cha Mama yenu, ulichanganikiwa sana, haukua hivyo bila  sababu isipokua Upendo”  

Chozi lilianza kunibubujika, nilijihisi ni mwenye hatia japo nilikua  sikumbuki, Clara alisema Melisa hakua na taarifa ya ajali yangu hivyo  alikua mpweke asijuwe Niko wapi kwa Miezi mitatu. Kipindi hicho kilitosha  kumfanya apoteze tumaini.  

Iliniumiza sana “Usilie Jacob, kesho utaonana na Mdogo wako. Naamini  utapata kumbukumbu kuhusu yeye, atafurahi sana akikuona.” Alisema  Clara, nilifuta chozi langu Kisha nilimwambia Clara 

“Usinichoke Clara, sikumbuki chochote. Naomba univumilie tafadhali” 

“Usijali, Ndiyo Maisha Jacob. Kupoteza au kutokupoteza hakuondoi maana  ya wewe kua Binadamu mzuri sawa?”  

“Asante Clara” nilisema Kisha niliinuka na kuelekea Chumbani, sikuacha  kulia kwasababu nilikua gizani. Kila nilichokiona, Kila niliyemwona alikua  mpya kwangu. Mazingira, Hali ya hewa vyote nilihisi kama niliviona kwa  mara ya kwanza. Ilitosha kunitesa kiakili, sikubakisha kumbukumbu yoyote  zaidi ya Jina langu la Jacob. 

Usiku ulikua mrefu sana, nilipepesa macho yangu Usiku kucha huku  nilifikiria namna nitakavyo mkumbatia mdogo wangu, namna atakavyolia  akiniona, namna nitakavyo rejesha kumbukumbu zangu. Hadi  kunapambazuka nilikua sijapata hata lepe la Usingizi  

Nilimwamsha Clara kwa kumgongea mlango wake, sikutaka kuchelewa 

“Eeh Jacob” alisema Clara baada ya kufungua mlango, alikua amejawa na  Usingizi.

“Za Asubuhi, Clara” 

“Nzuri, vipi wewe?” 

“Nipo salama. Pole, nimekatisha Usingizi wako, nimeshindwa kupata  pumziko” 

“Usijali, naelewa Jacob. Hata kama ningelikua Mimi ningelikua hivyo, sasa  Wacha nijiandae nawe tafadhali jiandae tupate chai Kisha tuondoke”  alisema, nilitabasamu Kisha nilirudi chumbani.  

Sikukumbuka Melisa angependa nini, nilivalia nguo nilizozipenda.  Nilijiandaa haraka haraka Kisha nilielekea Sebleni, wakati nafika Clara  naye alikua akitoka chumbani kwake. Tukapata chai pamoja, Kisha  tuliondoka kwa kutumia gari la Clara. 

“Haukumbuki chochote Bado Jacob?” 

“Sikumbuki chochote Clara, natamani nikumbuke ili nijuwe tunapoelekea” 

“Hofu ondoa, Kila kitu kinahitaji muda kukifahamu. Jipe muda zaidi,  usikimbie sana Bali taratibu utakumbuka hatua kwa hatua J” ilikua ni  safari ya wastani wa saa nzima, Hadi tulipofika mtaani. 

“Gari haiwezi kufika Hadi kule, hivyo tutatembea” alisema Clara, tuliacha  gari mahali Kisha tulishuka na kuanza kutembea. Tulikatisha maeneo  kadhaa, nilimwona Clara akinitazama sana ili kuona kama nilikua  nikiikumbuka mitaa hiyo, sikukumbuka kabisa.  

Nini Kitaendelea? Usikose sehemu ya PILI

JIUNGE NA KIJIWENI WHATSAPP CHANNEL Kwa Kugusa Hapa 

Soma Riwaya Nyingine Za Kijiweni Kwa KUGUSA HAPA

Wewe kama MFANYABIASHARA.. Kuna wakati unatamani kuwafikia watu wengi zaidi na hujui wapi pa kuanzia , USIJALI kwani hapa ndipo ambapo MTAA UNAONGEA na tuko tayari kukusaidia kuwafikia watu wengi kwa BEI YA OFA

Njoo Utangaze Nasi Sasa Kwa Kutuambia Una TANGAZO Gani na unataka kutangaza kwa muda gani kwa kutuma ujumbe hapa WwhatsApp Kupitia Namba +255760871896 

Love xx Love xx Love xx Love xx Love xx Love xx Love xx Love xx Love xx Love xx Love xx