Man City yatinga raundi ya 16 Ligi ya Mabingwa kwa ushindi mkubwa dhidi ya Young Boys
City, ambao sasa hawajapoteza katika mechi zao 28 za Ligi ya Mabingwa Ulaya katika uwanja wa Etihad, walidhibiti mchezo kuanzia mwanzo na wangeweza kuongoza mapema dakika sita kupitia kijana mwenye miaka 18 Rico Lewis.
Mabingwa wa mara tatu walikuwa wakipiga hodi kwa nguvu huku Kyle Walker, ambaye aliongezwa katika kikosi baada ya jeraha la Manuel Akanji wakati wa maandalizi, akipiga mkwaju wa faulo uliopanguliwa vizuri na Anthony Racioppi.
Foden labda angepaswa kufunga katika nafasi ya pili lakini pia alizuiwa.
City ilipata bao lao baada ya Lauper kumchezea rafu Matheus Nunes ndani ya eneo la hatari, na hivyo kumpatia Haaland penalti katikati ya kipindi cha kwanza.
Mwenye umri wa miaka 23 alimlamba chapuo kipa na kufungua ukurasa wa mabao.
Guardiola alionekana kuchanganyikiwa wakati City ilipunguza kasi, lakini wenyeji walionekana daima kuwa na udhibiti.
Foden alimsaidia kocha wake kabla ya mapumziko alipokutana na pasi ya Jack Grealish na kumchana Ulisses Garcia kufunga bao la pili kwa ustadi.
Haaland aliweka mchezo nje ya uwezo wa Young Boys kwa bao la kushangaza – la pili tu kutoka nje ya eneo la hatari kwa City – muda mfupi baada ya mchezo kuanza tena, akipiga mpira upande wa pili wa lango na kuujaza wavuni.
Sasa ana mabao 67 katika mechi 60 kwa klabu.
Young Boys walipoteza matumaini yote wakati Lauper alionyeshwa kadi nyekundu ya pili kwa kucheza rafu ya pili dhidi ya Nathan Ake ambayo labda ilistahili kadi nyekundu moja kwa moja.
Guardiola alimtoa Haaland kabla hajafunga hat-trick kuchagua kumpumzisha mfungaji bora kabla ya safari yao ya Jumapili kwenda Chelsea
City ilikuwa na nafasi za kutosha za kumaliza na mabao matano, lakini haikuwa na maana kwa Young Boys ambao hawakufanikiwa kufanya mashambulizi yoyote katika mchezo wote.
City, mabingwa wa Ligi ya Mabingwa, walihakikisha nafasi yao katika raundi ya 16 kwa msimu wa 11 mfululizo na michezo miwili kusalia, na sasa wanakaribia kuchukua nafasi ya kwanza.
Soma zaidi: Habari zetu kama hizi hapa